អនុវិទ្យាល័យ

ដោយអនុវត្តតាមក្របខណ្ឌកម្មវិធីសិក្សានៃការអប់រំទូទៅ និងបច្ចេកទេស ដែលចេញដោយក្រសួងអប់រំ យុវជន និងកីឡា សិស្សមធ្យមសិក្សាទុតិយភូមិរបស់យើង បាននិងកំពុងសិក្សាប្រកបដោយការត្រិះរិះពិចារណាដើម្បីកសាងមូលដ្ឋានចំណេះដឹងដ៏រឹងមាំ លើមុខវិជ្ជា ភាសាខ្មែរ សិក្សាសង្គម គណិតវិទ្យា សីលធម៌ និងវិទ្យាសាស្ត្រមូលដ្ឋាន និងសិល្បៈភាសាអង់គ្លេស។

សិស្សបង្កើតវិធីសាស្រ្តក្នុងការកសាងជំនាញមូលដ្ឋានចំណេះដឹងភាសាខ្មែរ (ការអាន ការសរសេរ ការនិយាយ និងការស្តាប់) គណិតវិទ្យា (គណនា ប្រៀបធៀប និងដោះស្រាយបញ្ហា) វិទ្យាសាស្ត្រមូលដ្ឋាន ដំណើរការគិតបែបវិភាគ របៀបទំនាក់ទំនងសង្គម វិធីក្នុងការការពារសុខភាព និងការថែទាំសុខភាពបឋម ព្រមទាំងសមត្ថភាពក្នុងការបែងចែករវាងត្រូវ និងខុស។

ជាងនេះទៀត សិស្សកសាងបាននូវ អាកប្បកិរិយាសិក្សាវិជ្ជមាន ស្រឡាញ់ និងឱ្យតម្លៃលើការសិក្សានៅក្នុងសាលារៀន ទទួលស្គាល់ និងឱ្យតម្លៃចំពោះភាពសប្បុរស និងក្តីមេត្តាចំពោះគ្រួសារ មិត្តភក្តិ និងមនុស្សផ្សេងទៀត ទទួលស្គាល់ ស្រឡាញ់ ថែរក្សា និងការពារវប្បធម៌ ប្រពៃណី និងសិល្បៈនៃសហគមន៍ជាតិ តំបន់ និងអន្តរជាតិ ស្រឡាញ់និងឱ្យតម្លៃបរិស្ថាន វិទ្យាសាស្រ្ត និងបច្ចេកវិទ្យា ស្រឡាញ់និងអនាម័យរាងកាយ សាលារៀន ផ្ទះ និងកន្លែងសាធារណៈ បង្កើតទម្លាប់ និងអនុវត្តរបៀបរស់នៅដែលមានផាសុកភាពល្អតាមរយៈការធ្វើពលកម្ម និងកីឡា ព្រមជាមួយនឹងការទទួលខុសត្រូវចំពោះសកម្មភាពរបស់ខ្លួនក្នុងការសិក្សា និងជីវិតប្រចាំថ្ងៃ។