វិទ្យាល័យ

ស្របតាមក្របខណ្ឌកម្មវិធីសិក្សានៃការអប់រំចំណេះទូទៅ និងបច្ចេកទេស អនុម័តដោយក្រសួងអប់រំ យុវជន និងកីឡា សិស្សវិទ្យាល័យរបស់យើងនឹងទទួលបានលទ្ធផលសិក្សាគាត់ចិត្តលើមុខវិជ្ជា អក្សរសាស្ត្រខ្មែរ វិទ្យាសាស្ត្រ សង្គម គណិតវិទ្យា សុខភាពរាងកាយ និងសីលធម៌ វិទ្យាសាស្ត្រមូលដ្ឋាន និងភាសាអង់គ្លេស។

សិស្សចេះបង្កើតវិធីសាស្រ្តក្នុងការចាប់យកនូវ ជំនាញមូលដ្ឋានបានរឹងមាំ និងទូលំទូលាយលើមុខវិជ្ជា អក្សរសិល្ប៍ខ្មែរ (ប្រៀបធៀប ពន្យល់ វិភាគ បកស្រាយ និងដោះស្រាយបញ្ហា) គណិតវិទ្យា (គណនា ប្រៀបធៀប ពន្យល់ វិភាគ បកស្រាយ និងដោះស្រាយបញ្ហា) វិទ្យាសាស្ត្រ ការត្រិះរិះពិចារណា ដំណើរការដោះស្រាយបញ្ហា បច្ចេកទេសទំនាក់ទំនងសង្គមបានទូលំទូលាយ ការពារនិងថែទាំសុខភាព ក្រមសីលធម៌ដើម្បីការពារ និងការឱ្យតម្លៃអំពើល្អ។

ជាងនេះទៀត សិស្សនឹងដុះដាលនូវអាកប្បកិរិយាសិក្សាវិជ្ជមាន ស្រឡាញ់ និងឱ្យតម្លៃលើការសិក្សាពេញមួយជីវិត ស្គាល់ និងឲ្យតម្លៃចំពោះសេចក្តីសប្បុរស និងក្តីមេត្តាចំពោះគ្រួសារ មិត្តភ័ក្តិ និងមនុស្សផ្សេងទៀត ថែរក្សា និងអភិវឌ្ឍវប្បធម៌ ប្រពៃណី និងសិល្បៈរបស់ប្រទេសជាតិ តំបន់ និងអន្តរជាតិ ស្រឡាញ់និងឱ្យតម្លៃបរិស្ថាន វិទ្យាសាស្រ្ត និងបច្ចេកវិទ្យា ស្រឡាញ់និងអនាម័យរាងកាយ សាលារៀន ផ្ទះ និងកន្លែងសាធារណៈបង្កើតទម្លាប់ និងអនុវត្តរបៀបរស់នៅដែលមានសុខភាពល្អតាមរយៈការធ្វើពលកម្ម និងកីឡា ព្រមជាមួយនឹងការទទួលខុសត្រូវចំពោះសកម្មភាពផ្ទាល់ខ្លួន និងក្រុមក្នុងការសិក្សា និងជីវិតប្រចាំថ្ងៃ។