បឋមសិក្សា

ស្របតាមក្របខណ្ឌកម្មវិធីសិក្សានៃការអប់រំចំណេះទូទៅ និងបច្ចេកទេស អនុម័តក្រសួងអប់រំ យុវជន និងកីឡា សិស្សបឋមសិក្សារបស់យើង ត្រូវបានអប់រំបណ្តុះបណ្តាលឱ្យមានចំណេះដឹងរឹងមាំ លើមុខវិជ្ជា ភាសាខ្មែរសិក្សាសង្គម គណិតវិទ្យា សីលធម៌ និងវិទ្យាសាស្ត្រមូលដ្ឋាន។

សិស្ស បង្កើតវិធីសាស្រ្ត ក្នុងការកសាងជំនាញមូលដ្ឋាននៃភាសាខ្មែរ (ការអាន ការសរសេរ ការនិយាយ និងការស្តាប់) គណិតវិទ្យា (គណនា ប្រៀបធៀប និងដោះស្រាយបញ្ហា) ការសិក្សាអំពីវិទ្យាសាស្រ្តមូលដ្ឋាន វិធីគិតបែបវិភាគ របៀបទំនាក់ទំនងសង្គម វិធីក្នុងការការពារសុខភាព និងការថែទាំសុខភាពបឋម ក៏ដូចជាសមត្ថភាពក្នុងការបែងចែករវាងត្រូវ និងខុស។

ជាងនេះទៀត សិស្ស ស្ថាបនាបាននូវ អាកប្បកិរិយាសិក្សាវិជ្ជមាននិងឱ្យតម្លៃលើការសិក្សានៅក្នុងសាលារៀន ទទួលស្គាល់ និងឱ្យតម្លៃចំពោះភាពសប្បុរស និងក្តីមេត្តាចំពោះគ្រួសារ មិត្តភក្តិ និងមនុស្សផ្សេងទៀតទទួលស្គាល់ ស្រឡាញ់ ថែរក្សា និងការពារវប្បធម៌ ប្រពៃណី និងសិល្បៈនៃសហគមន៍ជាតិ តំបន់ និងអន្តរជាតិ ស្រឡាញ់និងឱ្យតម្លៃបរិស្ថាន វិទ្យាសាស្រ្ត និងបច្ចេកវិទ្យា ស្រឡាញ់និងអនាម័យរាងកាយ សាលារៀន ផ្ទះ និងកន្លែងសាធារណៈ បង្កើតទម្លាប់ និងអនុវត្តរបៀបរស់នៅដែលមានសុខភាពល្អតាមរយៈការធ្វើពលកម្ម និងកីឡា ព្រមជាមួយនឹងការទទួលខុសត្រូវចំពោះសកម្មភាពរបស់ពួកគេក្នុងការសិក្សា និងជីវិតប្រចាំថ្ងៃ។