កុមារដ្ឋាននិងមត្តេយ្យ

តាមក្របខ័ណ្ឌអប់រំចំណេះទូទៅ និងបច្ចេកទេស អនុម័តដោយក្រសួងអប់រំ យុវជន និងកីឡា សិស្សថ្នាក់កុមារដ្ឋាននិងមត្តេយ្យសិក្សារបស់យើង រៀនតាមវិធីសាស្រ្ត លេងដើម្បីរៀន រៀនតាមរយៈការលេង ដើម្បីបង្កើនចំណេះដឹងអំពី ការស្គាល់ និងអានព្យញ្ជនៈខ្មែរ ស្រៈ ព្យាង្គ ពាក្យ និងឃ្លា រាប់លេខ គូរលេខពីរខ្ទង់ ស្គាល់ វត្ថុ ទំហំ និងរង្វាស់។

សិស្សអភិវឌ្ឍជំនាញក្នុងការប្រើប្រាស់ភាសាខ្មែរសម្រាប់ការនិយាយ ការស្តាប់ និងការប្រាស្រ័យទាក់ទង ប្រើគណិតវិទ្យា (រាប់ គូរ និងប្រៀបធៀប) អនុវត្តអនាម័យសម្រាប់រាងកាយ ប្រើបំណិនចលករតូច-ធំ ផ្តល់ហេតុផលស្តីពីសកម្មភាពផ្ទាល់ខ្លួន ការប្រើពាក្យ និងកាយវិការសមរម្យជាមួយមិត្តភក្តិ ក្រុមគ្រួសារ និងអ្នកដទៃ ស្គាល់ខុស ស្គាល់ត្រូវ។

ជាងនេះទៀត សិស្សមានអាកប្បកិរិយាវិជ្ជមានក្នុងការសិក្សា ចូលចិត្តសិក្សា ហានសួរ ចង់រៀនអ្វីដែលថ្មី និងប្លែក ចេះចែករំលែក និងសហការគ្នា ចូលចិត្ត ចម្រៀង របាំ និងភ្លេងប្រពៃណីខ្មែរ ស្រលាញ់បរិស្ថានស្អាត ស្រលាញ់ខ្លួនឯង គ្រួសារ មិត្តភក្តិ លោកគ្រូ អ្នកគ្រូ និងមនុស្សផ្សេងទៀត។