ចុះឈ្មោះសិក្សា
យើងខ្ញុំសូមស្វាគមន៍! ស្មាធ-ឃីដ ជាថ្នាលអប់រំដោយភាពច្នៃប្រឌិត ដើម្បីបណ្តុះគំនិតវិជ្ជមានដល់សិស្ស។
ការិយាល័យចុះឈ្មោះរៀនរបស់យើង សូមអញ្ជើញមាតាបិតាស្វែងយល់ពីកម្មវិធីសិក្សាដ៏ទូលំទូលាយ ដែលត្រូវបានរចនាឡើងដើម្បីបំពេញតម្រូវការរបស់សិស្សគ្រប់រូប។ យើងមានបំណងផ្តល់ការអប់រំដ៏ទូលំទូលាយ ទាំងកម្មវិធីជាតិ និងអន្តរជាតិ ព្រមជាមួយនឹងកម្មវិធីក្រៅម៉ោងពិសេសៗដូចជាកម្មវិធី ACIE និង I-IELTS របស់យើង។
ការចុះឈ្មោះរៀននៅស្មាធ-ឃីដ មានន័យថាលោកអ្នកបានក្លាយជាផ្នែកមួយនៃសហគមន៍ពហុវប្បធម៌ដែលផ្តោតលើឧត្តមភាពអប់រំ។ យើងសូមអញ្ជើញលោកអ្នកឱ្យចាប់ផ្តើមដំណើរដ៏វិសេសវិសាលនេះជាមួយយើង ដើម្បីជំរុញការអភិវឌ្ឍបញ្ញាសម្បទា សង្គមសម្បទា និងចរិយាសម្បទា ដល់កូនៗរបស់លោកអ្នក។ ចាប់ពីមត្តេយ្យដល់មធ្យមសិក្សាទុតិយភូមិ ដំណើរការអប់រំរបស់យើងត្រូវបានរៀបចំឡើង ដើម្បីធានាថាសិស្សគ្រប់រូបសម្រេចសក្តានុពលពេញលេញសម្រាប់ភាពជោគជ័យក្នុងបរិបទសកល។ សូមចុះឈ្មោះកូនរបស់លោកអ្នកនៅស្មាធ-ឃីដ ហើយយើងរៀបចំអនាគតរបស់ពួកគេជាមួយគ្នា។
“យើងបំពេញទំនុកចិត្តលោកអ្នក។ អរគុណដែលជ្រើសរើសសេវាយើង។”
ក្រុមចុះឈ្មោះ
របៀប
យើងរំភើប និងអរគុណដែលលោកអ្នកចំណាយពេលដ៏មានតម្លៃសិក្សាស្វែងយល់អំពីយើង។ សាលាអន្តរជាតិ ស្មាធ-ឃីដ ប្តេជ្ញាអប់រំសិស្សនូវ ចំណេះដឹង ចំណេះធ្វើ សីលធម៌ និងទំនុកចិត្តលើខ្លួនឯងដើម្បីអនាគតត្រចះត្រចង់របស់ពួកគេ។
តំណាក់កាលនៃការចុះឈ្មោះនៅ ស្មាធ-ឃីដ ផ្តើមចេញពីការសាកសួរព័ត៌មាន ទាំងតាមអនឡាញ ឬដោយផ្ទាល់។ បន្ទាប់មក សូមលោកអ្នកមកទីតាំងសាលាដោយផ្ទាល់ដើម្បីស្វែងយល់ពីបរិយាកាស និងបរិក្ខារសិក្សាបន្ទាប់មកទៀត សិស្សត្រូវធ្វើតេស្តវាស់សមត្ថភាពដើម្បីយើងរៀបចំដំណើរសិក្សារបស់ពួកគេត្រឹមត្រូវតាមបច្ចេកទេស។
ពេលដែលបែបបទចុះឈ្មោះត្រូវបានបញ្ចប់ យើងស្នើសុំឯកសារលម្អិតអំពីការអប់រំ និងសមិទ្ធផលសិក្សាផ្សេងៗរបស់សិស្សពីលោកអ្នក។ ដើម្បីធានាបានថាតើសិស្សពេញចិត្តសិក្សានៅទីនេះ សិស្សអាចចំណាយពេលសាកល្បងសិក្សាមួយរយៈតាមការកំណត់របស់សាលា។
ដាក់ពាក្យរៀន
ស្មាធ-ឃីដសូមស្វាគមន៍! ស្មាធ-ឃីដ ជាថ្នាលអប់រំពីមត្តេយ្យ-១២ ជាមួយនឹងបេសកកម្មប្រែក្លាយសិស្សជាពលរដ្ឋមានសមត្ថភាពពេញលេញ។
យើងសូមស្វាគមន៍ និងលើកទឹកចិត្តមាតាបិតាអនុញ្ញាតិឱ្យកូនៗចេញដំណើរឆ្ពោះទៅឧត្តមភាពជីវិតជាមួយយើង។ ចុះឈ្មោះឥឡូវនេះ ហើយបើកទ្វារឱ្យកូនៗឆ្ពោះទៅកាន់បទពិសោធន៍សិក្សាដ៏ពិសេស និងសម្បូរបែប។ ចូរយើងរៀបចំអនាគតពួកគាត់ជាមួយគ្នា។