វគ្គសិក្សានេះត្រូវបានបង្កើតឡើងជាពិសេសដើម្បីសិស្សយល់ដឹងដ៏រឹងមាំលើគោលការណ៍សហគ្រិនភាព រួមមាន វិធីរកប្រាក់ ការវិនិយោគ ការសន្សំ ការច្នៃចំណូល ទីផ្សារឌីជីថល ការកត់ត្រាសកម្មភាពអាជីវកម្មខ្នាតតូច គណនេយ្យ និងពន្ធ ការកសាងទ្រព្យផ្ទាល់ខ្លួន ដើម្បីរៀបចំពួកគេសម្រាប់វិស័យពាណិជ្ជកម្មរបស់មនុស្សពេញវ័យ។

ពេញមួយកម្មវិធីសិក្សា គំនិតថ្មីៗពីគ្រប់ជំពូកមេរៀនទាំងអស់នឹងត្រូវបានបង្រៀនដល់សិស្សទាំងនៅក្នុងថ្នាក់រៀន ឬតាមរយៈវីដេអូមេរៀន។

ក្នុងកិច្ចខិតខំប្រឹងប្រែងដើម្បីបង្កើនការយល់ដឹងលំអិត សិស្សត្រូវបានកំណត់ឱ្យពិនិត្យនិងរំលឹកឡើងវិញយ៉ាងស៊ីជម្រៅចំពោះជំពូកមេរៀននីមួយៗ តាមរយៈកិច្ចការផ្ទះ កិច្ចពិភាក្សាអាជីវកម្ម គម្រោងអាជីវកម្មសាកល្បង និងទស្សនកិច្ចសិក្សា ជាងនេះទៀត ម្ចាស់អាជីវកម្មជាច្រើននឹងចូលរួមចែករំលែក ចំណេះដឹងស្តីអាជីវកម្មផ្ទាល់ខ្លួនដល់សិស្ស។